Onte fomos coas nenas e nenos de Educación Infantil á Fundación Caixa Galicia a ver a exposición: "Auga, o sangue da terra". Alí nos mostraron tanto as paisaxes relacionadas coa auga como os estados nos que se atopa ou os diferentes usos que se fai dela. Con isto, trátase de concenciar aos rapaces/as da necesidade de utilizala axeitadamente ante a escaseza que hai dela nalgúns lugares do planeta así como das graves consecuencias que a poboación padece por culpa da súa contaminación.
Vos deixo un video de Doki onde descobre "O coidado da auga"
e tamén a Fluvi e o ciclo da auga, un simpático xogo online, onde o protagonista ten que rescatar gotas de auga, pechar billas dunha fábrica para que non contaminen as augas, limpar os ríos, eliminar aos "negas"(contaminación) , etc. Ofrece tres niveis de xogo para nenos/as de diferentes idades e, en cada fase, coñecerán algunhas curiosidades, consellos e recomendacións sobre o ciclo da auga e o seu uso. Un xogo educativo que lles fará pasar un rato divertido e proveitoso.
0 comentarios:
Publicar un comentario